Google yuqori tariflar bois Xitoydagi ishlab chiqarishlarini qisqartirmoqda

Alphabet xoldingi va uning sho‘'ba kompaniyalari Xitoydagi ishlab chiqarishlarini Tayvanga ko‘chirmoqda. Bunga mahsulotlarning AQShga importiga nisbatan joriy etilgan yuqori tariflar sabab bo‘ldi.

Ayni paytda Alphabet bo‘linmasi sistema platalari ishlab chiqarishni Xitoydan Tayvan va Malayziyaga ko‘chirdi. Mazkur server platalari Google uchun juda muhim hisoblanadi, chunki ular bulutli servislar xizmatini ta'minlaydi.

Shuningdek, aqlli uylar uchun mahsulotlar ishlab chiqaruvchi Nest kompaniyasining ham quvvati kamaydi. Mahsulotlari AQSh bozoriga mo‘ljallangan boshqa kompaniyalar ham ulardan o‘rnak olishi mumkin.

Eslatib o‘tamiz, hozirda Xitoyda ishlab chiqarilgan elektronika mahsulotlarining AQShga importi uchun tarif 25%ni tashkil etadi.