«Spark» olib berishni va'da qilib, 6400 dollarga «uxlatgan» shaxs ushlandi

2019 yil 18 iyul kuni Toshkent shahrining Sergeli tumani ichki ishlar organlarini faoliyatini muvofiqlashtiruvchi boshqarmasidan hujjatlar to‘plami tushgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar bermoqda.

Ularga ko‘ra, shu yil 6 yanvar kuni Olmazor tumanida yashovchi 27 yoshli D.B. tuman hududida joylashgan “Iste'molda bo‘lgan avtotransport vositalari va ehtiyot qismlari” bozorida tanishi, Sergeli tumanida yashovchi 33 yoshli K.M. ismli ayolga “Spark” rusumli avtomashinasi olib berishni va'da qilib, 6 400 AQSh dollarini olib, bergan va'dasini bajarmasdan pullarni o‘z ehtiyojlari uchun ishlatib yuborganligi aniqlanganligi ko‘rsatilgan. D.B. ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.