10 yil sochini qisqartirmagan o‘smir sartaroshni «tavbasiga tayantirdi»
10 yil ichida ilk bor sartaroshga borgan britaniyalik o‘smir Oueyn Tomas turmagi bilan sartaroshni lol qoldirdi, deb yozmoqda Daily Mail. Nashrning yozishicha, 14 yoshli Oueyn autizmdan aziyat chekadi va har qanday o‘zgarishni og‘ir qabul qiladi hamda sochini qisqartirishdan qo‘rqadi. Bolaning otasi hikoya qilishicha, uning o‘g‘li har doim serferlarniki kabi soch turmagiga ega bo‘lishni xohlagan va sartaroshga borishni rad etib kelgan.
Onasi esa, soatlab soch tolalarini tarashga uringan, yaqinlari sartaroshga borishi kerakligiga ishontirishga harakat qilishgan, ammo barchasi aks samara bergan. Biroq, sinfdoshlarining kulgusiga qolmaslik uchun, u turmagini turli bosh kiyimlar ostida yashirishga uringan.
O‘z vaqtida maktab rahbariyati ham o‘smirning g‘alati soch turmagiga e'tibor qaratgan. Uzoq ko‘ndirish va soch shunchaki tushib qolishi haqida xavotirlardan keyingina Oueyn sartaroshga borishga rozi bo‘lgan.
«Men ilk bor shunday sochga duch kelishim», — degan sartarosh Jim Uilyams.
Uning qayd etishicha, bunday sochni qisqartirish «ko‘proq kartoshkani tozalashga o‘xshagan». Mutaxassis Oueynning imkon qadar ko‘proq sochini saqlab qolishga uringan.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024