Ayol timsoh bilan bir soatlik olishuvdan keyin tirik qoldi
Hindistonning Odisha shtatida yashovchi ayol uni oyog‘idan tishlab olgan timsoh bilan bir soat kurashib, tirik qoldi. Bu haqda Odisha TV telekanali xabar berdi.
Sajani Malik ismli ayol Baytarani daryosiga tushlikdan keyin idishlarni yuvgani kelgan. Ayolning aytishicha, shu vaqt uni timsoh dumi bilan urib yiqitib, oyog‘idan tishlab, suvga torta boshlagan. Ayol o‘z hayotini saqlab qolish uchun jon holatda yaqin oradagi daraxtni ushlab olib, uni yordam kelmaguncha bir soat qo‘yvormagan.
Ayolni uning qaytmaganidan keyin xavotirlana boshlagan hamkasblari aniqlashgan. Ular timsohni quvib yuborishga muvaffaq bo‘lishgan va ayolni shifoxonaga olib borishgan.
Ma'lum bo‘lishicha, ayolga dunyodagi eng yirik yirtqichlardan hisoblanuvchi taroqsimon timsoh hujum qilgan. Bu timsoh erkaklarining uzunligi 7 metrgacha va og‘irligi 2 tonnagacha yetishi mumkin.
Mavzuga oid
09:50 / 21.09.2024
Hindiston O‘zbekistonda elektromobillar uchun akkumulyatorlar ishlab chiqarishi mumkin
17:32 / 20.09.2024
Rossiya armiyasiga aldov yo‘li bilan jalb qilingan va urushga yuborilgan o‘nlab hindistonliklar vataniga qaytdi
22:24 / 19.09.2024
Samsung’ning Hindistondagi zavodi xodimlari ish tashlash e’lon qildi
01:33 / 14.09.2024