Avstraliya koronavirus sababli favqulodda holat e'lon qildi
Avstraliyada koronavirus epidemiyasi sababli favqulodda holat e'lon qilindi. Ta'kidlanishicha, u yarim yil davom etishi mumkin.
18 mart kuni Avstraliya bosh vaziri Skott Morrison epidemiya sababli “biologik xavfsizlik sohasida favqulodda vaziyat” e'lon qildi. Ta'kidlanishicha, u yarim yil davom etishi mumkin.
Morrison fuqarolar barcha xorijiy safarlardan voz kechishlari kerakligini aytgan. Kiritilgan tartib hukumatga aholi punktlarini yopishga, komendantlik soati kiritishga va karantin e'lon qilishga ruxsat beradi.
Avvalroq favqulodda holat Avstraliyaning bir nechta shtatlarida kiritilgan.
Oxirgi ma'lumotlarga ko‘ra, Avstraliyada koronavirusdan 383 ta kasallanish holati va 5 ta o‘lim qayd etilgan. 27 kishi undan sog‘ayib ketgan.
Hozirda koronavirus epidemiyasi sababli AQSh, Italiya, Ispaniya, Chexiya, Litva, Latviya, Serbiya, Estoniya, Armaniston, Qozog‘iston, Livanda favqulodda holat rejimlari amal qilmoqda.
Mavzuga oid
00:26 / 24.09.2024
Avstraliyada yolg‘on chegirmalar e’lon qilgan supermarketlar sudga berildi
23:17 / 10.09.2024
Avstraliyada o‘smirlarga ijtimoiy tarmoqlardan foydalanish taqiqlanishi mumkin
21:09 / 02.09.2024
Avstraliyadagi bog‘da yo‘lbars hayvon o‘rgatuvchiga hujum qildi
18:42 / 27.08.2024