I chorakda Qozog‘iston va O‘zbekiston o‘rtasidagi savdo hajmi pasaydi
2020 yil yanvar-mart oylarida Qozog‘iston va O‘zbekiston o‘rtasidagi savdo hajmi 612 million dollarni tashkil etdi, bu 2019 yilning shu davriga nisbatan 1,6 foizga past.
Bu haqda «Interfaks-Qozog‘iston» agentligiga «QazTrade savdo siyosatini rivojlantirish markazi» AJ matbuot xizmati ma'lum qildi.
«O‘zaro savdo hajmining salbiy o‘sishi Qozog‘iston eksportining kamayishi bilan bog‘liq. Joriy yilning I choragida neft mahsulotlari, mis rudalari, kungaboqar urug‘lari kabi mahsulotlar eksporti kamaydi», - deyiladi xabarda.
Hisobot davrida Qozog‘iston tovarlarining O‘zbekistonga eksporti 5,2 foizga kamayib, 464,8 million dollarni tashkil qildi. Shu bilan birga, Qozog‘istondan O‘zbekistonga import 12,2 foizga o‘sib, 147,2 million dollarga yetdi.
Taqdim etilgan ma'lumotlarga ko‘ra, O‘zbekistonga eksportning pasayishi neft mahsulotlari (4,8 baravarga - 7,6 mln. AQSh dollarigacha), mis rudalari va konsentratlarning (44 baravar, 22 mln. AQSh dollaridan 0,5 mln. AQSh dollarigacha) va kungaboqar urug‘i (2,6 baravar, 9,4 mln) kabi tovarlarni yetkazib berish hajmining kamaygani bilan izohlanadi.
Mavzuga oid
20:17
Qozog‘istonda o‘zining ichki organlarini qariyb 19 ming dollarga sotmoqchi bo‘lgan shaxs ushlandi
14:00
O‘zbekiston va Qozog‘iston chegarasini demarkatsiya qilish shartnomasi BMTga topshirildi
19:18 / 25.09.2024
Qozog‘istonda O‘zbekistondan keltirilgan 2,5 tonna shaftolida zararkunanda aniqlandi
22:59 / 24.09.2024