Qoʻshimcha funksionallar
-
Tungi ko‘rinish
Shomurodov Osiyoning eng qimmatbaho futbolchilari top-20talik ro‘yxatidan joy oldi
«Rossiya Premer-ligasidagi osiyolik ikki legioner hujumchi – Sardor Ozmun va Eldor Shomurodovda Yevropaning kuchli beshlik chempionatlariga yo‘l olish uchun yaxshi imkoniyat bor. Ikki forvard ham Rossiyada o‘zini ko‘rsata oldi, transfer bahosi ham o‘sdi. Bu to‘purarlar Osiyoning eng qimmatbaho futbolchilari top-20taligidan joy olgan», - deya yozadi «Sportbox» sayti.
«Zenit»ning yetakchilaridan biri sanalmish Ozmunning Sankt-Peterburgda faoliyat boshlaganidan keyingi transfer bahosi 9 milliondan 18 million yevrogacha ko‘tarildi. Koronavirus pandemiyasi sababli esa barcha qatori pastlab – 14,5 million yevroni tashkil etmoqda. Shu narxda ham eronlik forvard Transfermarkt’ga ko‘ra, Osiyoning eng qimmatbaho futbolchilari ro‘yxatida 3-o‘rindan joy olgan.
24 yoshli o‘zbekistonlik hujumchi Eldor Shomurodovning transfer bahosi esa 5,2 million yevroni tashkil etib, Osiyoning eng qimmatbaho futbolchilari reytingida 18-o‘rindan joy olgan. «Rostov» goleadori Rossiyaga kelganida 750 ming yevro narxlangan bo‘lsa, pandemiyadan oldin 6 million yevrogacha baholandi.
Osiyoning eng qimmat futbolchisi deya Son Xyon Min sanaladi. «Tottenhem» klubi hujumchisining transfer bahosi 64 million yevroni tashkil etgan. 2-o‘rindan «Portu»ning yaponiyalik yarimhimoyachisi Syoya Nakadzima (16 mln) joy olgan. Osiyo – transfer narxi bo‘yicha Rossiya Premer-ligasi vakillari top-20likdan joy olgan yagona qit'a», - deyiladi manbada.
Ma'lumot uchun, Eldor Shomurodov 5,2 million yevro transfer bahosi bilan O‘zbekistonning eng qimmatbaho futbolchisi sanaladi.
Mavzuga oid
22:07 / 09.10.2024
«O‘zbekiston so‘nggi marta bizga muammo tug‘dirganiga 12 yil bo‘ldi». Ozmun Shomurodovga javob qaytardi
22:57 / 04.10.2024
Eldor Shomurodov «Roma» bilan yangi shartnoma imzolaydi – Romano
12:18 / 26.08.2024
Shomurodov gol urishni boshladi, «Chelsi» futbolchilari «quturdi». Yevropada kun o‘yinlari
14:30 / 13.08.2024