Qoʻshimcha funksionallar
-
Tungi ko‘rinish
Qirg‘iziston prezidenti hozir iste'foga chiqishga haqqi yo‘qligini aytdi
Sooronbay Jeenbekov hozir prezidentlik lavozimini tark etishga haqqi yo‘qligini, bu davlatga zarar keltiruvchi oldindan aytib bo‘lmaydigan voqealarga olib kelishini ta'kidladi.
Foto: president.kg
Qirg‘iziston prezidenti Sooronbay Jeenbekov respublikada parlament saylovlari o‘tkazilganidan keyin iste'foga chiqishini aytdi. Bu haqda Qirg‘iziston prezidenti matbuot kotibi Tolgonay Stamaliyeva ma'lum qildi.
Uning so‘zlariga ko‘ra, Sooronbay Jeenbekov yangi bosh vazir Sadir Japarov bilan uchrashuv o‘tkazgan. Matbuot kotibining ma'lum qilishicha, uchrashuvda "bosh vazir o‘z talabini – prezident bugun oqshom iste'foga chiqishi kerak"ligini aytgan.
"Sooronbay Jeenbekov yana bir bor hozir prezidentlik lavozimini tark etishga haqqi yo‘qligini, bu davlatga zarar keltiruvchi oldindan aytib bo‘lmaydigan voqealarga olib kelishini ta'kidladi. U 2020 yil 9 oktyabrda ma'lum qilgan pozitsiyasida turishini – parlament saylovlari o‘tkazilib, mamlakatning yangi prezidenti saylovi o‘tkazilishi e'lon qilinganidan so‘ng iste'foga chiqishini eslatib o‘tdi", - dedi Stamaliyeva.
Eslatib o‘tamiz, 14 oktabr kuni Qirg‘iziston parlamenti Sadir Japarovni mamlakat bosh vaziri lavozimiga tasdiqlagan, Japarov Jeenbekov bilan uning iste'fosi to‘g‘risida muloqot o‘tkazishini aytgandi.
Qirg‘izistonda hukumat almashinuvi
Mavzuga oid
16:56
Qirg‘izistonda uch yoshgacha bo‘lgan har bir bola davlatdan nafaqa oladi
21:53 / 26.02.2026
Yevropa Ittifoqi Qirg‘izistondan Rossiyaga reeksport ustidan nazoratni kuchaytirishni talab qildi
17:44 / 23.02.2026
«Do‘stimni ogohlantirgandim» – Japarov Milliy xavfsizlik davlat qo‘mitasidagi o‘zgarishlar haqida
19:27 / 21.02.2026