Navoiydagi mushtlashuv «qahramonlar»ining kimligi ma'lum bo‘ldi

Kecha ijtimoiy tarmoqlarda Navoiyda, yo‘l chetida sodir bo‘lgan mushtlashuv aks etgan videolavha tarqaldi. Unda bir necha erkak 3 nafar fuqaroni ayovsiz kaltaklaganini ko‘rish mumkin.   

Mazkur holatga Navoiy viloyati IIB axborot xizmati rasmiy munosabat bildirdi. Ma'lum qilinishicha, ushbu voqea 9 mart kuni Konimex tumani Yuksalish mahallasi hududidan o‘tgan avtomobil yo‘lining 15-kilometrida sodir bo‘lgan.

Fuqarolar I.V., Q.L. va T.P. bir guruh bo‘lib, ularga nisbatan qo‘li bilan nojo‘ya xatti-harakat qilganligi sababli fuqaro R.U. bilan janjallashib qolishgan. Janjal vaqtida R.U., Z.N. va V.B. hayoti uchun xavfli bo‘lgan tan jarohati olishganligi aniqlandi. 

Holat yuzasidan jinoyat ishi qo‘zg‘atilib, hozirda viloyat IIB huzuridagi TB tomonidan dastlabki tergov harakatlari olib borilmoqda.