Qoʻshimcha funksionallar
-
Tungi ko‘rinish
Paralimpiada-2020. O‘zbekiston ilk oltin medalni qo‘lga kiritdi
Tokiodagi yozgi Paralimpiadada O‘zbekiston uchun ilk oltin medalni finalda ispaniyalik raqibni taslim etgan para-dzyudochi Uchqun Quronboyev taqdim etdi.
O‘zbekiston delegatsiyasi Tokiodagi Paralimpiya o‘yinlarida navbatdagi medalni qo‘lga kiritdi.
-66 kg vazn toifasida O‘zbekiston sharafini himoya qilayotgan paradzyudochi Uchqun Quronboyev finalda ispaniyalik Serxio Banon Ibanesga qarshi tatamiga chiqdi va Golden Score'da raqibini mag‘lubiyatga uchratib, mamlakat delegatsiyasiga ilk oltin medalni keltirdi.
Chorakfinalda u Yaponiya vakili Yudjiro Setoni, yarimfinalda esa Ukraina vakili David Xoravani mag‘lubiyatga uchratgandi.
-60 kg vazn toifasi vakili Sherzod Namozov esa bronza medali uchun kurashda ruminiyalik Aleks Bologo yutqazib qo‘ydi.
Endilikda O‘zbekiston delegatsiyasi hisobidagi medallar soni 3taga yetdi. Bungacha para-suzuvchi Islombek Aslanov bronza, uzunlikka sakrashda ishtirok etgan Asila Mirzayorova esa kumush medalni qo‘lga kiritishgandi.
