Ilon Maskning boyligi to‘rt kun ichida 50 mlrd dollarga ko‘paydi

Tesla va SpaceX kompaniyalari asoschisi Ilon Maskning boyligi miqdori atigi to‘rt kun ichida 50 mlrd dollarga ko‘paydi. Bundan Bloomberg Billionaires Index ma'lumotlari darak bermoqda.

25 oktabr kuni uning boyligi 252 mlrd dollar deb baholangandi, 29 oktyabrda esa bu ko‘rsatkich  302 mlrd dollarga yetdi. Bu mutlaq jahon rekordi hisoblanadi.

Yil boshidan buyon biznesmenning boyligi 132 mlrd dollarga ko‘paygan.

Uning boyligi miqdori Tesla kompaniyasi aksiyalari narxi o‘sishi hisobiga oshmoqda.

Morgan Stanley tahlilchilarining fikricha, Mask dunyodagi birinchi trillionerga aylanishi mumkin.