Toshkentdagi ko‘chalardan biri 10 kunga yopildi

Ta'mirlash ishlari olib borilishi sababli Toshkent ko‘chalaridan biri 10 kunga yopiladi. Bu haqda Toshkent shahar hokimligi ma'lum qildi.

Yo‘l ta'mirlash ishlari olib borilishi sababli Ahmad Donish ko‘chasining Amir Temur shoh ko‘chasi bilan kesishmasidan Nurafshon ko‘chasigacha bo‘lgan oralig‘idagi ikki tomonlama yo‘lning bir tomoni 7 noyabrdan 17 noyabrgacha qisman yopiladi.

Haydovchilardan aylanma yo‘llardan foydalanishlarini va yuzaga kelgan noqulaylik uchun uzr so‘raymiz.