Vodiyda Toshkentdagi “Faw Bestune Hongqi” avtosalonining navbatdagi filiali ochildi

Namangan viloyatining Norin tumanida Toshkentdagi “Faw Bestune Hongqi” avtosalonining filiali ochildi. Ushbu AR MOTORS avtosaloni FAW kompaniyasining BESTUNE, HONGQI, DONGFENG, VENUCIA yonilg‘ili hamda elektromobillarini sotishga va xizmat ko‘rsatishga ixtisoslashtirilgan.

Andijon viloyatidan tashrif buyuruvchi mijozlarga qulaylik yaratish maqsadida avtosalon ikki viloyat avtomobil ishqibozlari uchun qulay bo‘lgan hududda ochildi.

Avtosalonning ochilish marosimida viloyat mutasaddilari, biznes vakillari, nuroniylar ishtirok etishdi.

Avtosalon avtomobillar uchun 3 yildan 5 yilgacha kafolatni ta’minlaydi. To‘lovlar esa mijozning xohishiga ko‘ra amalga oshiriladi. Aholiga qulaylik yaratish maqsadida avtomobillar lizing asosida ham sotuvga qo‘yilgan va yaqin orada TRADE in tizimi ham yo‘lga qo‘yilishi rejalashtirilgan.