Qoʻshimcha funksionallar
-
Tungi ko‘rinish
Toshkentda elektr tarmoqlari korxonasining soxta xodimlari ushlandi
Toshkent shahrining Yunusobod tumanida elektr tarmoqlari korxonasi soxta xodimlari ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Foto: Iqtisodiy jinoyatlarga qarshi kurashish departamenti
Qayd etilishicha, Bosh prokuratura huzuridagi departament tomonidan IIV xodimlari bilan hamkorlikda tezkor tadbir o‘tkazilgan.
Unda, o‘zlarini Yunusobod tumani ETK xodimlari deb tanishtirgan M.Yu. va D.K. Yunusobod tumani 4-mavze 54-uydagi xonadon elektr hisoblagichi (tamg‘alari buzilmagan) go‘yoki noto‘g‘ri ulanganini ro‘kach qilishib va shu bo‘yicha tarmoqdan uzish haqida tuzilgan dalolatnomani ro‘yxatdan o‘tkazmaslik evaziga xonadon egasi A.dan 200 AQSh dollarini olgan vaqtida ashyoviy dalillar bilan ushlangan.
Shuningdek, o‘tkazilgan tergovga qadar tekshiruvda Yunusobod tumani ETK ASKUE xodimi X.M. fuqaro M.Yu.ga 22-sonli soxta guvohnomani yasab bergani aniqlangan.
Mazkur holat yuzasidan Jinoyat kodeksi 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
11:08
Xorazmda yangi quyosh elektr stansiyasi ishga tushiriladi
09:19 / 19.12.2024
To‘rt viloyatda gaz va elektrdan noqonuniy foydalanish holatlari aniqlandi
08:14 / 18.12.2024
1,8 mlrd so‘mlik elektrdan noqonuniy foydalangan mayning bilan shug‘ullanuvchi shaxs ushlandi
09:02 / 16.12.2024