O‘zbekiston unni asosan ikkita davlatdan import qilyapti

2022 yil yanvar-iyul oylarida O‘zbekistonga qiymati 72,7 mln dollarga teng bo‘lgan 227,8 ming tonna bug‘doy uni import qilingan. 

Davlat statistika qo‘mitasi ma’lumotlariga ko‘ra, bug‘doy uni importi hajmi o‘tgan yil mos davri bilan solishtirilganda 41,6 ming tonnaga oshgan.

2022 yil 7 oyida O‘zbekiston bug‘doy unini asosan quyidagi ikkita davlatdan eng ko‘p import qilgan:

• Qozog‘iston – 218,3 ming tonna; 
• Rossiya – 9,4 ming tonna.