Zelenskiy: Ukrainaliklar har qanday ssenariyga tayyor bo‘lishi kerak

«Rossiya bu yil qo‘lidan kelgan hamma narsani yo‘qotdi. Lekin u o‘z yo‘qotishlarini mamlakatimizga raketa hujumlaridan so‘ng o‘z targ‘ibotchilarining ichiqoraligi bilan qoplashga harakat qilmoqda», - deya ogohlantirdi Ukraina davlati rahbari.

Bundan oldin Amerikaning The Washington Post (WP) gazetasi Oq uy Rossiya-Ukraina urushini ehtimoliy tugatishning uchta variantini muhokama qilayotgani to‘g‘risida xabar bergandi. 

Gazetaning ta’kidlashicha, ushbu uch model har birining AQSh ma’muriyatida tarafdorlari bor. Ularning barchasi Ukrainani Rossiya agressiyasiga qarshi kurashda qo‘llab-quvvatlaydi, ammo Kiyev tinchlikka erishish uchun nazariy jihatdan qanday yon berishi mumkinligi haqida turli fikrlarga ega.

Urushni tugatishning birinchi modeli xalqaro hamjamiyat tomonidan tan olingan Rossiya qo‘shinlarini Ukrainaning barcha hududidan olib chiqib ketishni nazarda tutadi va prezident Volodimir Zelenskiy aynan shunday tinchlik rejasini taklif qilgan. 

Ikkinchisiga ko‘ra, joriy yilning 24 fevraliga qadar mavjud bo‘lgan vaziyat tiklanishi kerak, ya’ni Donbass va Qrimning bir qismi Rossiya nazorati ostida qoladi. 

Uchinchi model Ukraina tomonidan bosib olingan barcha hududlarni ozod qilishni nazarda tutadi, Qrimdan tashqari, bu masala muzokaralarda hal qilinishi kerak.