TIV Afg‘onistonda ayollarning ta’lim olishiga taqiq qo‘yilganiga tashvish bildirdi
Vazirlik bu qarorning qayta ko‘rib chiqilishidan umidvor ekanini ma’lum qildi.
O‘zbekiston Tashqi ishlar vazirligi Afg‘onistonda ayollarning oliy o‘quv yurtlarida ta’lim olishiga taqiq qo‘yilgani yuzasidan bayonot berdi.
«Afg‘onistonda xotin-qizlarning davlat va xususiy oliy o‘quv yurtlarida ta’lim olishiga taqiq qo‘yilgani to‘g‘risidagi xabarni chuqur tashvish bilan qabul qildik.
Afg‘on xalqining tinch va farovon kelajakni barpo etish yo‘lidagi intilishlarini qo‘llab-quvvatlashga qaratilgan qat’iyat belgisi sifatida ushbu qaror qayta ko‘rib chiqilishiga umid qilamiz», deyiladi bayonotda.
2022 yil dekabr oyida Afg‘onistondagi hukmron «Tolibon» harakati afg‘on ayollariga universitetlarda o‘qish taqiqlab qo‘ydi. Ta’lim vazirligi bayonotiga ko‘ra, ayollarning universitetlarga kirishiga cheklov zudlik bilan va muddatsiz kuchga kiradi.
O‘tgan yili «Tolibon» qizlarning o‘rta maktablarda o‘qishini taqiqlagan edi.
Mavzuga oid
15:40 / 28.09.2024
O‘zbekiston va Avstriya TIV hamkorlik dasturini imzoladi
22:50 / 26.09.2024
Bir qancha G‘arb davlatlari «Tolibon»ni ayollarni kamsitgani uchun sudga bermoqchi
23:22 / 24.09.2024
BMT Afg‘onistonda ayollarga qo‘yilgan barcha cheklovlarni olib tashlashni talab qildi
19:37 / 24.09.2024