Toshkent tumanida gazdan noqonuniy foydalangan issiqxona aniqlandi

Toshkent tumanida tabiiy gazdan noqonuniy foydalanib kelgan issiqxona gaz tarmog‘idan o‘chirildi.

Energetika vazirligi xabariga ko‘ra, «O‘zneftgazinspeksiya» va «Toshkenttumangaz» gaz ta’minoti bo‘limi bilan hamkorlikda joyiga chiqqan holda o‘rganilgan.

Issiqxona Toshkent tumani, «Guzar» mahallasi Yoshlik ko‘chasida yashovchi fuqaro M. Sh. xonadoniga tegishli ekanligi ma’lum bo‘lgan. Haqiqatan ham xonadon egasi tomonidan issiqxonani isitish uchun gaz tarmog‘iga o‘zboshimchalik bilan ulanib tabiiy gazdan noqonuniy foydalanib kelinayotgani aniqlandi.

Xususan, issiqxonada 1 dona nostandart (qo‘lbola) isitish qozoni o‘rnatilganligi ma’lum bo‘ldi va tarmoqdan o‘chirildi. Holat yuzasidan tegishli tartibda dalolatnoma rasmiylashtirildi. Issiqxona tomonidan yetkazilgan zarar miqdori 39 mln 443 ming so‘mni (39 ming 443 kub metr tabiiy gaz) tashkil etdi.