Slovakiya Ukrainadan g‘alla importini to‘xtatyapti

Avvalroq xuddi shunday qadamlar Polsha va Vengriya rasmiylari tomonidan ham qilingan edi.

Yevropa Ittifoqiga a’zo davlatlarning savdo sohasidagi bir tomonlama harakatlari qabul qilinishi mumkin emas. Bu haqda 16 aprel kuni Yevrokomissiya vakili ma’lum qildi. Uning bayonoti Polsha va Vengriya mahalliy qishloq xo‘jaligi tarmoqlarini himoya qilish uchun Ukrainadan g‘alla va boshqa oziq-ovqat importini taqiqlashini e’lon qilganidan keyin e’lon qilindi.

Polsha hukumati Ukraina g‘allasi va boshqa qishloq xo‘jaligi mahsulotlarini import qilishni taqiqladi, dedi hukmron «Qonun va adolat» partiyasi rahbari Yaroslav Kachinskiy 15 aprel kuni.

Uning so‘zlariga ko‘ra, bu harakat Ukrainadan arzonroq mahsulotlar kirib kelishi sababli inqiroz tahdidi ostida qolgan Polsha qishloq xo‘jaligi sektorini himoya qilish uchun zarur. 

«Biz Ukrainaning doimiy do‘sti va ittifoqchisi bo‘lganmiz va shunday bo‘lib qolamiz. Biz uni qo‘llab-quvvatladik va qo‘llab-quvvatlashda davom etamiz. Lekin har bir davlat, har bir hukumatning burchi o‘z fuqarolari manfaatlarini himoya qilishdir», - dedi Kachinskiy va Varshava masalani hal qilish uchun Kiyev bilan muzokaralar olib borayotganini bildirdi. 

Importi man etiladigan mahsulotlarning to‘liq ro‘yxati 18 nomdagi qishloq xo‘jaligi mahsulotlari, jumladan sut, tuxum, sabzavot, go‘sht, asal va boshqa tovarlardan iborat.