Aholining shifokorlar bilan ta’minlanganlik darajasi qanday ekani to‘g‘risida ma’lumot berildi.
2023 yil 1 yanvar holatiga O‘zbekiston Respublikasida har 10 000 aholiga 28 nafar shifokor to‘g‘ri kelgan.
Statistika agentligi ma’lumotlariga ko‘ra, hududlar bo‘yicha aholining shifokorlar bilan ta’minlanganlik darajasi (har 10 000 aholiga nisbatan) bo‘yicha Toshkent shahri yetakchilik qilmoqda – 70 nafar.
Undan keyingi o‘rinlardan aholining shifokorlar bilan ta’minlanganlik darajasi har 10 000 aholiga nisbatan mos ravishda 33 nafar hamda 30 nafar shifokor bo‘lgan Buxoro viloyati va Navoiy viloyati joy oldi.
Ushbu ko‘rsatkich qolgan hududlar kesimida quyidagicha ko‘rinish oldi:
- Xorazm viloyati – 29 nafar;
- Samarqand viloyati 28 nafar;
- Qoraqalpog‘iston R. – 27 nafar;
- Andijon viloyati – 25 nafar;
- Farg‘ona viloyati – 23 nafar;
- Toshkent viloyati – 22 nafar;
- Sirdaryo viloyati – 22 nafar;
- Jizzax viloyati – 21 nafar;
- Namangan viloyati – 20 nafar;
- Qashqadaryo viloyati – 19 nafar;
- Surxondaryo viloyati – 18 nafar.
