Qoʻshimcha funksionallar
-
Tungi ko‘rinish
DXX Kubogi. Final bosqichi o‘tkazilmoqda
Butun respublika bo‘ylab minglab o‘g‘il-qizlarni birlashtirgan, «Sog‘lom yoshlar – Yangi O‘zbekiston kelajagi» shiori ostida o‘tkazilayotgan futbol va mini-futbol bo‘yicha Davlat xavfsizlik xizmati kubogi hal qiluvchi pallaga keldi. Qoraqalpog‘iston Respublikasi, viloyatlar va Toshkent shahri bosqichlarida g‘olib bo‘lgan xavaskor jamoalar hozir poytaxtda jam bo‘lishgan.
Foto: PFL
Bu galgi voqelikning eng muhim yangiligi: DXX kubogi uchun qizlar o‘rtasida ham mini-futbol bellashuvlari o‘tkazilmoqda.
Musobaqaning respublika bosqichi 21-25 avgust kunlari «Bunyodkor» futbol akademiyasi maydonlarida har kuni soat 08:00dan bo‘lib o‘tmoqda. Final 26 avgust kuni soat 18:00da «Jar» stadionida boshlanadi.
Bu — yangi iqtidorlar tanlovi, salohiyat va hamjihatlik namoyishi, mahalla yulduzlarining katta sport sari dadil odimi. Havaskorlarning professionallarga xos shijoat, texnika va mahoratiga guvoh bo‘ling.
