Qoʻshimcha funksionallar
-
Tungi ko‘rinish
BYD O‘zbekistonga elektrobuslar yetkazib beradi
Prezident Shavkat Mirziyoyev 26 sentabr kuni Xitoyning yirik avtomobil ishlab chiqaruvchisi BYD kompaniyasi asoschisi hamda prezidenti Van Chuanfuni qabul qildi. Bu haqda prezident matbuot xizmati xabar berdi.
Uchrashuvda kompaniyaning O‘zbekistondagi faoliyatini kengaytirishning amaliy jihatlari muhokama qilindi.
Shuningdek, Jizzax viloyatida BYD’ning gibrid va elektr avtomobillari ishlab chiqarilishini tez fursatda yo‘lga qo‘yish hamda keyingi bosqichlarda uning quvvatini 300 ming donaga yetkazish masalalari ko‘rib chiqildi.
Ta’kidlanishicha, uchrashuvda mahsulot tannarxini kamaytirish uchun butlovchi va ehtiyot qismlarini mahalliylashtirish loyihalariga hamda avtomobillarni uchinchi mamlakatlar bozoriga eksport qilishni tashkil etishga alohida e’tibor qaratildi.
Shuningdek, BYD O‘zbekistonga elektrobuslarini yetkazib berishi qayd etildi.
Elektrobuslarga xizmat ko‘rsatish bo‘yicha muhandislik-servis markazlarini ochish rejalari qo‘llab-quvvatlanishi bildirildi.
Mavzuga oid
11:40 / 12.06.2026
Xiaomi Tesla va BYDʼga qarshi yangi model bilan chiqmoqchi
21:33 / 09.06.2026
Xitoyning o‘nlab kompaniyalari Pentagonning qora ro‘yxatiga kiritildi
08:59 / 22.05.2026
BYD Beni Motors Samarqand shahridagi yangilangan dilerlik markazini taqdim etdi
22:25 / 28.04.2026