Қўшимча функционаллар
-
Тунги кўриниш
BYD Ўзбекистонга электробуслар етказиб беради
Президент Шавкат Мирзиёев 26 сентябр куни Хитойнинг йирик автомобил ишлаб чиқарувчиси BYD компанияси асосчиси ҳамда президенти Ван Чуанфуни қабул қилди. Бу ҳақда президент матбуот хизмати хабар берди.
Учрашувда компаниянинг Ўзбекистондаги фаолиятини кенгайтиришнинг амалий жиҳатлари муҳокама қилинди.
Шунингдек, Жиззах вилоятида BYD’нинг гибрид ва электр автомобиллари ишлаб чиқарилишини тез фурсатда йўлга қўйиш ҳамда кейинги босқичларда унинг қувватини 300 минг донага етказиш масалалари кўриб чиқилди.
Таъкидланишича, учрашувда маҳсулот таннархини камайтириш учун бутловчи ва эҳтиёт қисмларини маҳаллийлаштириш лойиҳаларига ҳамда автомобилларни учинчи мамлакатлар бозорига экспорт қилишни ташкил этишга алоҳида эътибор қаратилди.
Шунингдек, BYD Ўзбекистонга электробусларини етказиб бериши қайд этилди.
Электробусларга хизмат кўрсатиш бўйича муҳандислик-сервис марказларини очиш режалари қўллаб-қувватланиши билдирилди.
Мавзуга оид
11:40 / 12.06.2026
Xiaomi Tesla ва BYDʼга қарши янги модел билан чиқмоқчи
21:33 / 09.06.2026
Хитойнинг ўнлаб компаниялари Пентагоннинг қора рўйхатига киритилди
08:59 / 22.05.2026
BYD Beni Motors Самарқанд шаҳридаги янгиланган дилерлик марказини тақдим этди
22:25 / 28.04.2026