Qashqadaryoda baliq ovlagani borgan fuqaro cho‘kib ketdi

Qashqadaryo viloyati Mirishkor tumanida suv havzasiiga baliq ushlash uchun borgan fuqaro cho‘kib ketgan. Hodisa 7 oktyabr kuni sodir bo‘lgan. Bu haqda Kun.uz’ga Bosh prokuratura matbuot kotibi Hayot Shamsutdinov ma’lum qildi.

Qayd etilishicha, 2023 yil 7 oktyabr kuni Koson tumanida yashovchi fuqaro Z.T. sherigi O.T. bilan birga Mirishkor tumani Pomuq qishlog‘ida joylashgan Sechanko‘l sun’iy suv havzasiga baliq ovlash uchun borgan va ehtiyotsizlik oqibatida suvga cho‘kib ketib, vafot etgan.

Mazkur holat yuzasidan tuman prokuraturasi tomonidan voqea joyi ko‘zdan kechirilib, ashyoviy dalillar protsessual tartibda rasmiylashtirilgan.

Oradan uch kun o‘tib, 10 oktyabr kuni viloyat FVB tezkor xodimlari tomonidan fuqaroning jasadi Sechanko‘l sun’iy suv havzasidan topilgan. Holat yuzasidan sud-tibbiy ekspertizasi tayinlangan. Hozirda tergov harakatlari olib borilmoqda.