Qalbaki avtoraqam bilan 64 marta qoida buzgan haydovchi aniqlandi

U radarlardan qochish uchun vodiydan Amirsoyga borishda qalbaki raqamdan foydalangan.

Foto: Videodan kadr

Yo‘l harakati xizmati xodimlari Bo‘stonliq tumani Amirsoy chorrahasida “Jyentra” avtomobilini to‘xtatib, yukxonasini tekshirgan.

Haydovchi to‘xtatilganda mashina yukxonasidan qalbaki raqam topilgan. U radarlardan qochish uchun vodiydan Amirsoyga borishda qalbaki raqamdan foydalangan.

Haydovchiga nisbatan ma’muriy bayonnoma rasmiylashtirilib, transport vositasi vaqtincha saqlash uchun jarima maydoniga qo‘yildi, haydovchi Bo‘stonliq tumani IIBga tergovga qadar tekshiruv uchun topshirilgan.