Shavkat Mirziyoyev Viktor Orban bilan uchrashuv o‘tkazdi
Uchrashuvda O‘zbekiston – Vengriya ko‘p qirrali munosabatlarining dolzarb masalalari ko‘rib chiqildi.
O‘zbekiston prezidenti Shavkat Mirziyoyev 6 iyul kuni Turkiy davlatlar tashkilotining norasmiy sammiti doirasida Vengriya bosh vaziri Viktor Orban bilan uchrashuv o‘tkazdi. Bu haqda O‘zbekiston prezidenti matbuot xizmati xabar berdi.
Uchrashuvda O‘zbekiston – Vengriya ko‘p qirrali munosabatlarining dolzarb masalalari ko‘rib chiqilgan.
«Mamlakatlarimiz o‘rtasidagi strategik sheriklik va amaliy hamkorlik izchil rivojlanib borayotgani mamnuniyat bilan qayd etildi. Barcha darajalarda faol muloqotlar davom etmoqda. May oyida Toshkent shahrida qo‘shma Hukumatlararo komissiya yig‘ilishi va biznes forumi samarali o‘tkazildi», deyiladi xabarda.
Qayd etilishicha, ikki mamlakat o‘rtasida keyingi yillarda tovar ayirboshlash hajmi qariyb ikki barobar oshgan, qo‘shma loyiha va korxonalar soni ham ko‘paygan. Joriy yilning 30 iyunidan Toshkent va Budapesht o‘rtasida to‘g‘ridan-to‘g‘ri aviaqatnovlar tiklangan.
Uchrashuvda Turkiy davlatlar tashkiloti va Yevropa Ittifoqi doirasidagi hamkorlikning dolzarb masalalari yuzasidan ham fikr almashilgan.
Mavzuga oid
13:50
Orban: Vengriya Xitoy tovarlariga YeI bojlari oshirilishiga qarshi
08:21 / 24.07.2024
Germaniya: Orbanning tashriflari dunyoda chalkashliklarga sabab bo‘ldi
08:10 / 19.07.2024
Orban Yevropa kengashiga safarlari natijalari haqida hisobot tayyorladi
16:03 / 12.07.2024