AQSh Turkiyaga mahbuslar almashinuvidagi muhim roli uchun minnatdorchilik bildirdi

AQSh prezidenti Bayden va davlat kotibi Blinken Turkiya Milliy razvedka boshqarmasi (MIT) tomonidan amalga oshirilgan AQSh-Rossiya mahbuslar almashish amaliyoti haqida yozma bayonot berdi. 

Bayden o‘z bayonotida Amerikaning uch fuqarosi va bir grin karta egasi «Rossiyada nohaq ushlab turilgan qamoqdan» uyiga qaytganini ta’kidladi. 

Bayden Pol Uilan, Evan Gershkovich, Alsu Kurmasheva va Vladimir Kara-Murzaning ozod etilishiga hissa qo‘shgan davlatlarga minnatdorchilik bildirdi: «Qiyin muzokaralar davomida bu natijaga erishgan ittifoqchilarimiz Turkiya, Germaniya, Polsha, Sloveniya va Norvegiyaga alohida rahmat». 

AQSh davlat kotibi Blinken, o‘z navbatida, almashinuv bo‘yicha bayonot berdi. «Biz ushbu kelishuvni amalga oshirishga imkon yaratgan ittifoqchilarimiz guruhi - Germaniya, Polsha, Norvegiya va Sloveniyadan minnatdormiz. Shuningdek, Turkiya hukumatiga ushbu shaxslarning AQSh va Germaniyaga xavfsiz qaytishi uchun joy ajratgani uchun minnatdorchilik bildiramiz», — deyiladi AQSh davlat kotibi bayonotida. 

AQSh prezidentining milliy xavfsizlik bo‘yicha maslahatchisi Jyeyk Sallivan Turkiya Milliy razvedka boshqarmasi (MIT) tomonidan o‘tkazilgan mahbuslarni almashtirish amaliyotini sharhlar ekan: «ushbu kelishuvni amalga oshirishga imkon bergan muhim logistik yordam uchun Turkiyadan juda minnatdormiz», dedi. 

AQSh milliy xavfsizlik bo‘yicha maslahatchisi Sallivan Oq uyda tele-konferensiya orqali bir guruh jurnalistlar uchun brifingda MIT tomonidan amalga oshirilgan almashinuv amaliyotini baholadi. 

Sallivanning aytishicha, Germaniya, Sloveniya, Norvegiya va Polsha ham qatnashgan kelishuv AQSh va Rossiya o‘rtasida tuzilgan eng yirik almashinuv shartnomalaridan biri sifatida tan olinadi.

Uning so‘zlariga ko‘ra, yirik almashinuv operatsiyasi Norvegiya, Sloveniya, Polsha va Germaniyada qo‘lga olingan rossiyaliklarning kelishuvga kiritilishi tufayli amalga oshirilgan.

Maslahatchi Turkiyaning almashinuvni amalga oshirishdagi alohida rolini qayd etdi: «Biz Turkiyadan ushbu kelishuvni amalga oshirishga imkon bergan muhim logistika yordami uchun juda minnatdormiz».