2024 yilda o‘qish uchun xorijga ketgan o‘zbekistonliklar soni ma’lum qilindi

Statistika agentligi ma’lumotlariga ko‘ra, 2024 yilning yanvar-sentabr oylarida jami 30,4 ming nafar O‘zbekiston fuqarolari o‘qish maqsadida chet elga borgan.

Bu ko‘rsatkich o‘tgan yilning mos davri bilan solishtirilganda 952 nafarga yoki 3,2 foizga oshgan.

Joriy yilning 9 oyida o‘qish maqsadida chet elga ketgan O‘zbekiston fuqarolari mamlakatlar bo‘yicha quyidagicha:

• Tojikiston — 11 409 nafar;
• Rossiya — 7 301 nafar;
• Qirg‘iz Respublikasi — 2 845 nafar;
• Turkiya — 2 195 nafar;
• Janubiy Koreya — 1 839 nafar;
• Qozog‘iston — 1 372 nafar;
• Buyuk Britaniya — 693 nafar;
• Xitoy — 672 nafar;
• AQSh — 486 nafar;
• BAA — 295 nafar;
• Boshqa davlatlar — 1 292 nafar.