XMT Markaziy Osiyodagi ishsizlik darajasi bo‘yicha ma’lumot berdi

Ishsizlikning eng past darajasi Qirg‘izistonda, eng yuqori darajasi Tojikistonda qayd etildi.

Markaziy Osiyo mamlakatlari orasida eng past ishsizlik darajasi Qirg‘izistonda qayd etilgan – 3,3 foiz. Bunday ma’lumotlarni Xalqaro mehnat tashkiloti (XMT) o‘z veb-saytida e’lon qildi, unda dunyoning 187 mamlakati orasida ishsizlik darajasi bo‘yicha reyting taqdim etildi.

Mintaqadagi boshqa mamlakatlarda ham shunga yaqin ko‘rsatkichlar bor: Turkmanistonda 4,3 foiz, O‘zbekistonda 4,5 foiz va Qozog‘istonda 4,8 foiz ishsizlik darajasi qayd etilgan.

Faqat Tojikiston bundan mustasno bo‘lib, u yerda ishsizlik darajasi 11,6 foizga yetdi, bu qo‘shni davlatlarga qaraganda ancha yuqori.

Tayyorlagan: Сардор Юсупов

#reyting #XMT #ishsizlik