Qoʻshimcha funksionallar
-
Tungi ko‘rinish
Hindiston va Rossiya neft bo‘yicha tarixiy kelishuvga erishdi - OAV
Rossiya neftini Hindistonga yetkazib berish bo‘yicha 10 yillik bitim qiymati bugungi narxlarda yiliga taxminan 13 milliard dollarni tashkil etadi.
Rossiyaning «Rosneft» davlat kompaniyasi Hindistonning xususiy neftni qayta ishlash zavodi Reliance kompaniyasiga kuniga deyarli 500 ming barrel neft yetkazib berishga rozi bo‘ldi.
Bu ikki davlat o‘rtasidagi tarixdagi eng yirik energiya kelishuviga aylandi, deb yozdi Reuters manbalarga tayanib. Ta’kidlanishicha, 10 yillik bitim qiymati bugungi narxlarda yiliga taxminan 13 milliard dollarni tashkil etadi va global taklifning 0,5 foizini tashkil qiladi. Bu Hindiston va Rossiya o‘rtasidagi energiya aloqalarini yanada mustahkamlaydi.
Agentlikning qayd etishicha, kelishuv Rossiya prezidenti Vladimir Putinning Hindistonga rejalashtirilgan tashrifi arafasida tuzilgan. Unga ko‘ra, «Rosneft» har oyda Rossiya nefti va neft mahsulotlarining turli navlarini yetkazib beradi.
Qayd qilinishicha, Reliance va «Rosneft» har yili neft bozorlari dinamikasini hisobga olgan holda shartnoma bo‘yicha narxlar va hajmlarni qayta ko‘rib chiqadi.
Mavzuga oid
21:15
Rossiya Ukraina bilan «2022 yildagi Istanbul kelishuvlari asosida» muzokaralar olib borishga tayyor - Putin
16:29
Sverdlovsk oblastida quyun hodisasi kuzatildi – fotolar
10:30
Jurnalistlar: Ukraina urushida kamida 227 ming rossiyalik harbiy halok bo‘lgan
09:45