O‘zbekiston va Polsha avtomobilsozlikda yangi loyihalarni muhokama qilyapti

Mamlakat elchixonasi ko‘magida Polshaning DAMEL, Kunzman, Alumatec, NIMIA va Modar kompaniyalari rahbarlarining O‘zbekistonga biznes-missiyasi tashkil etildi.

Foto: "Dunyo" AA

Polsha delegatsiyasi Qarshi shahrida o‘tkazilgan Kashkadarya invest-2024 xalqaro biznes-forumida ishtirok etdi. Unda O‘zbekistonda tog‘-kon, geologiya, avtomobilsozlik va mashinasozlik sohalarida investitsiya loyihalarini amalga oshirish imkoniyatini muhokama qildi.

Biznes delegatsiya safar davomida O‘zbekiston Tog‘-kon sanoati va geologiya vazirligi, Qashqadaryo va Samarqand viloyatlari hokimligi, Savdo-sanoat palatasi, "O‘zeltexsanoat" uyushmasi, "Olmaliq kon-metallurgiya kombinati" AJ, "Navoiy kon-metallurgiya kombinati" AJ, "O‘zbekko‘mir" AJ, Navoiyuran DK, Yevropa-O‘zbekiston iqtisodiy hamkorlik uyushmasi (EUROUZ), "O‘zavtosanoat" AJ va uning tizimidagi UzAuto Motors, UzAuto Motors Powertrain, Tashkent Tractor Plant, Nurafshon-Maxsus-Texnika, SamAuto, MAN Auto-Uzbekistan vakillari bilan uchrashuvlar o‘tkazdi.

Tomonlar kelgusidagi hamkorlikda innovatsion texnologiyalarni tatbiq qilish va ishlab chiqarish jarayonlarini modernizatsiyalash qilish masalalari xususida fikr almashdilar.

Shuningdek, O‘zbekistonning tog‘-kon, geologiya, avtomobilsozlik va mashinasozlik sanoati salohiyatini yanada oshirishga qaratilgan loyihalarni amalga oshirish istiqbollari ham ko‘rib chiqildi.

Tayyorlagan: Отабек Матназаров

#avtomobilsozlik #Polsha