Toshkentda O‘zbekiston-Latviya siyosiy maslahatlashuvlari bo‘lib o‘tdi

TIV ma’lumotiga ko‘ra, Latviya delegatsiyasiga Latviya davlat kotibi o‘rinbosari – Tashqi ishlar vazirligining siyosiy direktori Ivars Lasis boshchilik qildi.

Maslahatlashuvlar davomida tomonlar dolzarb masalalarni va O‘zbekiston va Latviya o‘rtasidagi ko‘p qirrali hamkorlikni faollashtirish va kengaytirish istiqbollarini muhokama qildilar.

Savdo-iqtisodiy va sarmoyaviy soha, mehnat migratsiyasi, madaniy-gumanitar aloqalar, shuningdek, transport-logistika infratuzilmasini rivojlantirishga alohida e’tibor qaratildi. Ikki davlatning xalqaro maydondagi o‘zaro hamkorligi ham ko‘rib chiqildi.

Muzokaralar yakunlari bo‘yicha turli darajadagi tashriflar almashinuvini birgalikda ishlab chiqish, ikki tomonlama munosabatlarning zamonaviy huquqiy asoslarini shakllantirish, madaniyat va ta’lim sohasidagi tadbirlarni o‘tkazish bo‘yicha kelishuvga erishildi.

Siyosiy maslahatlashuvlarning navbatdagi raundini 2025 yilda Rigada o‘tkazish bo‘yicha kelishuvga erishildi.