Germaniya banki O‘zbekistonda kasb-hunar ta’limini qo‘llab-quvvatlaydi

Vazirlar Mahkamasining "Germaniya hukumati bilan moliyaviy hamkorlikda O‘zbekistonda kasbiy ta’limini qo‘llab-quvvatlash dasturlarini amalga oshirish chora-tadbirlari to‘g‘risida"gi qarori qabul qilindi.

Foto: xs.uz

O‘zbekiston hukumati va Germaniyaning KfW banki o‘rtasida 2023 yil 8 noyabrda imzolangan O‘zbekistonda kasb-hunar ta’limini qo‘llab-quvvatlash to‘g‘risidagi bitim 5 yil muddatga 16 mln yevro miqdorida grant ajratilishini nazarda tutadi.

Bandlik va kambag‘allikni qisqartirish vazirligi KfW bankining "O‘zbekistonda kasb-hunar ta’limini qo‘llab-quvvatlash" loyihasi uchun ajratilgan grantdan maqsadli foydalanish va uni samarali amalga oshirish uchun mas’ul ijro etuvchi organ hisoblanadi.

Hujjat bilan:

KfW banki grantini qurilish, montaj, ta’mirlash va jihozlash uchun yo‘naltiriladigan kasb-hunar mahorati markazlari ro‘yxati;
"O‘zbekistonda kasb-hunar ta’limini qo‘llab-quvvatlash" loyihasining texnik-iqtisodiy parametrlari tasdiqlandi.

Tayyorlagan: Отабек Матназаров

#Germaniya #bank