Raqobat qo‘mitasi Ucell'ni jarimaga tortdi

COSCOM kompaniyasi tomonidan ommaviy axborot vositalarida joylashtirilgan reklamalarda bo‘rttiruvchi ma’no ifodalanganlik holatlari aniqlangan.

Raqobat qo‘mitasi COSCOM (Ucell) kompaniyasini jarimaga tortdi. Bu haqda qo‘mita matbuot xizmati xabar qildi.

Qayd etilishicha, olib borilgan monitoringlarda COSCOM kompaniyasi tomonidan ommaviy axborot vositalarida joylashtirilgan reklamalarda bo‘rttiruvchi ma’no ifodalanganlik holatlari aniqlangan.

Yuqoridagilarga ko‘ra, qo‘mita maxsus komissiyasi tomonidan COSCOM kompaniyasiga nisbatan «Reklama to‘g‘risida»gi qonun talablari buzilishi alomatlari bilan ish qo‘zg‘atilib, natijasi yuzasidan moliyaviy jarima qo‘llash xaqida qaror qabul qilingan.

Shuningdek, qonunbuzilishi holatini bartaraf etish va kelgusida yo‘l qo‘ymaslik yuzasidan ko‘rsatma berilgan.

“Qo‘mita maxsus komissiyaning qaroridan norozi bo‘lgan tomon qo‘mitaning apellyatsiya kengashiga yoki sudga murojaat qilish huquqiga ega”, deyiladi xabarda.

Tayyorlagan: Достон Аҳроров

#Ucell #Raqobat qo‘mitasi