Meksikada mayyalarning muqaddas ibodatxonasiga chiqqan turist kaltaklandi

Meksikada mahalliy aholi zinalar orqali mayyalar ibodatxonasiga chiqib qolgan germaniyalik turistni kaltakladi. Guvohlar tomonidan tasvirga olingan videoni Daily Mail e’lon qildi.

Qayd etilishicha, voqea 20 mart kuni Chichen-Itsedagi Kukulkana ibodatxonasi hududida yuz bergan. Kadrlarda erkak 25 metrli piramida ko‘rinishidagi muqaddas ibodatxonaning tik zinapoyalari bo‘ylab yuqoriga ko‘tarilayotgani tasvirlangan. Guvohlar hushtak chalib, uni bu ishni qilmaslikdan ogohlantirishga uringan.

Turistni qo‘lga olish uchun meksikalik qo‘riqchilar ham piramidaga chiqishga majbur bo‘lgan. Ular qonunbuzarni majmuadan olib chiqib ketgunga qadar, bir necha kishi turistni urishga ulgurib qolgan. Endilikda qonunbuzar turist qanday jazoga tortilishiga oydinlik kiritilmagan.

Ta’kidlanishicha, 2008 yildan beri qadimgi piramida ustiga chiqish taqiqlangan. Ushbu chora mazkur hududning tarixiy va madaniy qadriyatlarini himoya qilishga qaratilgan.

Ma’lumotlarga ko‘ra, 2023 yilda Kukulkana zinalari bo‘ylab ko‘tarilgan polshalik turist ham kaltaklangan. O‘shanda u 12 soat davomida hibsga saqlangan, keyin esa jarimaga tortilgan.