Toshkentda yuk ortgich mashina yonib ketdi

Voqea Olmazor tumani Chuqursoy ko‘chasida joylashgan obekt hududida sodir bo‘lgan.

Toshkent shahar Favqulodda vaziyatlar boshqarmasi Olmazor tumanida sodir bo‘lgan yong‘in to‘g‘risida ma’lumot berdi.

Qayd etilishicha, 24 aprel kuni soat 16:54 da Olmazor tumani Chuqursoy ko‘chasida joylashgan obekt hududida yuk tashish karasida yong‘in sodir bo‘layotgani to‘g‘risida poytaxt FVBga xabar kelib tushgan.

Shunga ko‘ra, yong‘in-qutqaruv ekipaji aytilgan manzilga yetib borgan va yong‘inni o‘chirgan.

«Hodisa oqibatida halok bo‘lgan va jabrlanganlar yo‘q», — deyiladi xabarda.

Avvalroq Toshkentda erkak o‘zaro kelishmovchilik ortidan tanishining Teslaʼsini yoqib yuborgani, Yunusobodda Lacetti yonib ketgani to‘g‘risida xabar berilgandi