Ukrainada 10 may kuni «ko‘ngillilar koalitsiyasi» uchrashuvlari o‘tkaziladi

10 may kuni Ukrainada, xususan, Rossiya Federatsiyasi va Kiyev o‘rtasidagi urush tugaganidan so‘ng tinchlikparvar kontingentni yaratish rejalari bilan shug‘ullanuvchi «ko‘ngillilar koalitsiyasi» doirasida uchrashuvlar bo‘lib o‘tadi. Ukraina prezidenti Volodimir Zelenskiy 9 may, juma kuni Birlashgan ekspeditsiya kuchlari tarkibiga kiruvchi davlatlar rahbarlariga murojaatida bo‘lajak muzokaralar haqida ma’lum qildi.

«Ukrainada biz ko‘ngillilar koalitsiyasi rahbarlari bilan uchrashuvga ham tayyorgarlik ko‘rmoqdamiz, oldinda jiddiy ishlar kutib turibdi. Bizga bu koalitsiya kerak va u bizning umumiy qarashlarimizga muvofiq xavfsizlikni kafolatlaydigan darajada kuchli bo‘lishi kerak», — deya ta’kidladi Zelenskiy.

«Ishonchim komilki, Yevropa bunday jamoaviy ishdan faqat foyda ko‘radi — bu butun mavjud xavfsizlik arxitekturasini mustahkamlashga yordam beradi. Uchrashuvlar - ertaga», — deya qo‘shimcha qildi u.

«Ko‘ngillilar koalitsiyasi»ga, xususan, Germaniya, Buyuk Britaniya va Fransiya kiradi. Jami guruh 30 ga yaqin davlatni qamrab oladi.