Shavkat Mirziyoyev va Slovakiya bosh vaziri birgalikda daraxt ekdi

Marosim ikki mamlakat xalqlari o‘rtasida do‘stlik va o‘zaro anglashuv mustahkamlanib borayotgani ramzi bo‘ldi.

Oliy darajadagi muzokaralar yakunida O‘zbekiston prezidenti Shavkat Mirziyoyev va Slovakiya bosh vaziri Robert Fitso Toshkentdagi faxriy mehmonlar xiyobonida birgalikda daraxt ekdi.

Ta’kidlanishicha, marosim ikki mamlakat xalqlari o‘rtasida do‘stlik va o‘zaro anglashuv mustahkamlanib borayotgani, O‘zbekiston-Slovakiya munosabatlari rivojida yangi – strategik sheriklik bosqichi boshlanganining ramzi bo‘ldi.