Turkiyada 6,1 magnitudali yer silkinishi yuz berdi

Istanbul va boshqa shaharlarda sezilgan zilzila magnitudasi 6,1 balni tashkil etdi, deb xabar berdi mamlakat tabiiy ofatlar oqibatlarini bartaraf etish boshqarmasi (AFAD). 

"Balikesir viloyatining Sindirgi tumanida 6,1 magnitudali yer silkinishi qayd etildi. Zilzila o‘chog‘i 11 kilometr chuqurlikda joylashgan", -deyiladi boshqarma seysmologlari xabarida.

Turkiya ichki ishlar vaziri Ali Yerlikaya mutaxassislar tabiiy ofat yetkazgan zararni baholashni boshlashganini ma’lum qildi.

Xabarlarga ko‘ra, zilzila oqibatida kamida 10ta bino vayron bo‘lgan.

Zilzila 20-30 soniya davom etgan, ayrim aholi vahimada ko‘chaga qochib chiqqan.