Qoʻshimcha funksionallar
-
Tungi ko‘rinish
O‘zbekistonlik parasuzuvchi jahon chempioniga aylandi
Yegor Bolotov 100 metrga chalqancha suzish dasturida jahon chempioniga aylandi.
Singapur mezbonligidagi parasuzish bo‘yicha jahon chempionatida O‘zbekiston terma jamoasi a’zosi Yegor Bolotov oltin medalga ega chiqdi.
S13 toifasidagi bahslarda ishtirok etgan Bolotov 100 m masofaga chalqancha suzish dasturida 58.97 soniyada marra chizig‘iga yetib borib, barcha raqiblaridan ustun keldi va terma hisobiga ikkinchi medalni taqdim etdi.
Jahon chempionati
Erkaklar o‘rtasida 100 m masofaga chalqancha suzish (S13 klassi)
🥇Yegor Bolotov (O‘zbekiston) — 58.97
🥈Tomas van Vaanroy (Niderlandiya) — 59.35
🥉Oleksey Virchenko (Ukraina) — 59.45.
Yegor 100 m masofaga erkin usulda suzish bahslarida bronza medaliga ega chiqqandi. Biroz oldin yakunlangan ayollar o‘rtasida 100 m masofaga chalqancha suzish finalida Mubinabonu Xalilova (S13) yettinchi bo‘ldi. Oldinda Sardor Baxtiyorov (S7) ishtirokidagi hal qiluvchi bahs kutib turibdi.
