Ўзбекистонлик парасузувчи жаҳон чемпионига айланди

Сингапур мезбонлигидаги парасузиш бўйича жаҳон чемпионатида Ўзбекистон терма жамоаси аъзоси Егор Болотов олтин медалга эга чиқди.

S13 тоифасидаги баҳсларда иштирок этган Болотов 100 м масофага чалқанча сузиш дастурида 58.97 сонияда марра чизиғига етиб бориб, барча рақибларидан устун келди ва терма ҳисобига иккинчи медални тақдим этди.

Жаҳон чемпионати
Эркаклар ўртасида 100 м масофага чалқанча сузиш (S13 класси)
🥇Егор Болотов (Ўзбекистон) — 58.97
🥈Томас ван Ваанрой (Нидерландия) — 59.35

🥉Олексей Вирченко (Украина) — 59.45.

Егор 100 м масофага эркин усулда сузиш баҳсларида бронза медалига эга чиққанди. Бироз олдин якунланган аёллар ўртасида 100 м масофага чалқанча сузиш финалида Мубинабону Халилова (S13) еттинчи бўлди. Олдинда Сардор Бахтиёров (S7) иштирокидаги ҳал қилувчи баҳс кутиб турибди.