Qoʻshimcha funksionallar
-
Tungi ko‘rinish
Yilning eng yorqin Superoy hodisasi dunyo bo‘ylab fotolarda
5 noyabr tunda kuzatilgan Superoy – joriy yildagi avvalgilariga qaraganda kattaroq va yorqinroq bo‘ldi. Butun dunyo bo‘ylab suratkashlar ham ushbu noyob manzara turli rakurslarda aks ettirdi. Germaniyada bo‘lib turgan Kun.uz fotomuxbiri ham ushbu hodisani kameraga muhrladi.
5 noyabr kuni tunda insonlar dunyo bo‘ylab osmonda ko‘tarilgan Superoy hodisasini tomosha qilish imkoniga ega bo‘ldi.
Bu noyabrdagi Superoy – shu yildagi avvalgilariga qaraganda kattaroq va yorqinroq, chunki u Yerga eng yaqin to‘lin oy hisoblanadi. Buning sababi — Oy Yer atrofida mukammal doira bo‘ylab emas, balki oval shakldagi orbitada harakatlanadi.
Xizmat safari bilan Germaniyaning Berlin shahrida bo‘lib turgan Kun.uz fotomuxbiri Muhammadjon G‘aniyev ham yilning eng katta va eng yorqin hodisasini kameraga muhrladi.
Bu hodisa ko‘pincha «Beaver Moon» – «Qunduz Oy» deb ataladi. Bu nom Superoylarga laqab qo‘yishning qadimiy an’anasidan kelib chiqqan.
Ba’zi manbalarga ko‘ra, bu nom Shimoliy Amerikadagi tub qabilalar noyabr oylarida qunduzlarni tuzoqqa tushirish mavsumiga tayyorlangan davr bilan bog‘liq.
Yilning keyingi va so‘nggi Superoyi 4 dekabr kuni kuzatiladi.
BBC nashri butun dunyo bo‘ylab suratkashlarning bu noyob manzarani aks ettirgan rasmlarini jamladi.
