Fotoreportaj: Eski Shohjahonobod – bugungi Dehlidagi odatiy hayot

Har qadamdagi samimiy qiyofalar, ko‘cha taomlari, e’zozdagi sigir va rikshalar – bularning barchasi umumiy tasavvurda Hindiston poytaxti Dehli haqida rang-barang kaloridli, qiziqarli va sarguzashtli kartina hosil qiladi. Shu kunlarda Hindistonda bo‘lib turgan Kun.uz jamoasi bugungi Dehli manzaralaridan fotoreportaj tayyorladi.

Foto: Kun.uz

Aholisining soni bo‘yicha Dehli dunyo shaharlari ichida Tokiodan keyingi 2-o‘rinda turadi – 33,8 million kishi. 200 yildan ortiq vaqt davomida Boburiylar sulolasining ham poytaxti bo‘lgan Shohjahonobod hamda sulola davridan qolgan tarixiy binolar, bozorlar va mahallalar bugun ham poytaxt shaharning eng gavjum qismlaridan sanaladi. Quyida taqdim etiladigan fotosuratlar ham aynan Shohjahonning Jamoat masjidi, Qizil Qal’a va Chauri bozori atrofida va Humoyun Mirzo maqbarasi hududida olingan.