To‘qimachilik mahsulotlari O‘zbekiston eksportida 2,1 mlrd dollarlik ulush qayd etdi

Milliy statistika qo‘mitasi 2025 yilning o‘n oyi yakunlari bo‘yicha to‘qimachilik tarmog‘idagi eksport ko‘rsatkichlarini ma’lum qildi. Rasmiy ma’lumotlarga ko‘ra, yanvar–oktyabr davrida xorijiy bozorlarga jami 2,1 mlrd AQSh dollarlik to‘qimachilik mahsulotlari yetkazib berilgan.

Ko‘rsatkich mamlakat umumiy eksport hajmi tarkibida 7,1 foiz ulushga ega bo‘ldi.

Eksport qilingan to‘qimachilik mahsulotlari tarkibi quyidagicha shakllangan:

• tayyor to‘qimachilik mahsulotlari – 51,4 foiz;
• ip-kalava – 28,5 foiz;
• trikotaj mato – 11 foiz;
• gazlamalar – 6 foiz;
• paypoq mahsulotlari – 2 foiz;
• gilamlar – 1 foiz.

Ma’lumotlarga ko‘ra, eksportda asosiy ulushni tayyor to‘qimachilik mahsulotlari egallamoqda. Bu esa qo‘shilgan qiymati yuqori bo‘lgan tayyor mahsulotlar ishlab chiqarish va ularni tashqi bozorlarga chiqarish salohiyati ortib borayotganidan dalolat beradi.