Islomiy mahsulotlar nima uchun yangi talab oqimining asosiy omiliga aylanmoqda

“Bugungi kunda mijozlar hamda hamkorlar va’dalarni emas, balki mexanizmlarni ko‘rishni xohlashmoqda”, — deydi Fido Biznes kompaniyasining “FB Islamic Finance” yo‘nalishi rahbari Umid Ergashev. — “Tamoyillar tizim arxitekturasi asosida tuzilganda, ishonch – tashqi ta’sir emas, balki tuzilmaning ajralmas qismiga aylanadi”.

“FB Islamic Finance” moliyaviy tashkilotlar uchun aniq tuzilma va moslashuvchan mantiqqa ega mahsulotlarni ishga tushirish imkonini beruvchi texnologik platforma sifatida yaratilgan. Platforma islomiy moliya tizimi doirasida – bitimlarni boshqarish, skoring, hujjat aylanishi va hisobotlarni tuzish kabi bozorning asosiy vazifalarini hal etadi va ushbu tizimda daromad – foizli hisoblar orqali emas, balki haqiqiy savdo operatsiyalari orqali shakllanadi.

Shuni ta’kidlash lozimki, mazkur platforma banklar, mikromoliyaviy banklar (MMB) va nobank kredit tashkilotlari (NKT) uchun mos keladi, chunki ularning barchasi islomiy moliyaviy xizmatlarni ko‘rsata oladi. “FB Islamic Finance” yagona texnologik tizim bilan ta’minlash doirasida har bir tashkilot turi uchun alohida tizimlarni yaratmagan holda, ushbu mahsulotlarni ishga tushirish imkonini beradi.

Foiz o‘rniga bitim

Platforma asosida bitim mantig‘i yotadi: har bir operatsiya aktiv bilan ta’minlangan bo‘lib, mijozning arizasidan shartnomani bajarishgacha bo‘lgan to‘liq jarayonni bosib o‘tadi.

“FB Islamic Finance” hujjatlarni avtomat ravishda bog‘laydi, to‘lov jadvallarini shakllantiradi, to‘lovlar va mablag‘lar harakatini nazorat qiladi. Bunday yondashuv an’anaviy kredit tizimlarining asosiy uzilishini – hisob-kitoblar va real iqtisodiy faoliyat o‘rtasidagi tafovutni bartaraf etadi.

Boshqaruv va kengaytirish uchun yaratilgan arxitektura

Platforma mikroxizmatlar arxitekturasi asosida qurilgan bo‘lib, alohida xizmatlarni mustaqil ravishda kengaytirish yoki yangilash imkonini beradi. Bunday yondashuv an’anaviy yaxlit arxitekturaga nisbatan yuqori darajadagi moslashuvchanlik, kengayish imkoniyati va nosozliklarga chidamlilikni ta’minlaydi.

Tashkilotda CRM, kelishuv moduli, investitsiya vositalari va tahliliy hisobotlarga nisbatan ehtiyoji oshgan sari ularni qo‘shib borish imkoniyati yaratiladi. Bu IT jamoalariga tushadigan yukni kamaytiradi va ma’lumotlar nazorati hamda sifatini yo‘qotmasdan yangi mahsulotlarni tezroq ishga tushirishni ta’minlaydi.

“FB Islamic Finance” asosiy jarayonlarni bitta muhitda birlashtiradi:

●  Boshqaruv va sozlamalar: foydalanuvchilar, rollar, andozalar, skoring, bildirishnomalar va to‘xtatuvchi omillar;

●  CRM va bitimlar: mijozlar, hisoblar, kassa operatsiyalari, depozitlar, shartnomalar kelishuvi;

●  Kredit konveyeri: so‘rovnomadan to‘lovlar jadvali va ta’minot hisobigacha;

●  Investitsiya operatsiyalari: ishonchli boshqaruv, foydani hisoblash va taqsimlash;

●  Hisobot: balans va operatsiyaviy hisobotlar, qarzdorlik nazorati va bitimlar monitoringi;

●  Infratuzilma va qo‘llab-quvvatlash: sozlama mijoz tomonida, ma’lumotlarni himoya qilish, 24/7 rejimida texnik qo‘llab-quvvatlash.

AAOIFI standartlari — ishonch poydevori

AAOIFI (Accounting and Auditing Organization for Islamic Financial Institutions) xalqaro standartlariga mos platformalarning joriy etilishi sohani professionallashtirishda muhim qadam bo‘ldi. Ushbu standartlar nafaqat shartnomalar shaklini, balki operatsiyalarni hisobga olish, hisobot berish va tekshirish tartibini ham belgilaydi, bu esa turli tashkilotlar va mamlakatlar o‘rtasidagi ma’lumotlarning taqqoslanishini ta’minlaydi. “FB Islamic Finance” bu me’yorlarga to‘liq muvofiq holda Fido Biznes kompaniyasi tomonidan ishlab chiqilgan bo‘lib, bu tizimni global talablarga mos qiladi va tashqi bozorlarga integratsiyalashuvni osonlashtiradi.

Yagona ma’lumot standartlari va yangi ishonch modeli

Platforma tizimi bitimlarni qayta ishlashdagi tafovutlarni bartaraf etadi va barcha ishtirokchilar uchun yagona ma’lumotlar formatini shakllantiradi. Bu faqatgina avtomatlashtirish emas, balki jarayonlar shaffof va mas’uliyati aniq taqsimlangan boshqariluvchi raqamli muhitga o‘tish hamdir. Bu muhitda barcha jarayonlar nazorat ostida bo‘ladi.

Moliyaviy texnologiyalar bozori asta-sekin ekstensiv o‘sishdan sifatli o‘sishga o‘tmoqda, bunda qiymat mijozlar soni bilan emas, balki jarayonlarning barqarorligi bilan belgilanadi. “FB Islamic Finance” ushbu o‘zgarishni aks ettiradi: texnologiya mahsulotning ustqurmasi emas, balki ishonch tarkibiy jihatdan — shaffoflik orqali shakllanadigan muhitga aylanmoqda.

Reklama huquqi asosida