Исломий маҳсулотлар нима учун янги талаб оқимининг асосий омилига айланмоқда

“Бугунги кунда мижозлар ҳамда ҳамкорлар ваъдаларни эмас, балки механизмларни кўришни хоҳлашмоқда”, — дейди Fido Biznes компаниясининг “FB Islamic Finance” йўналиши раҳбари Умид Эргашев. — “Тамойиллар тизим архитектураси асосида тузилганда, ишонч – ташқи таъсир эмас, балки тузилманинг ажралмас қисмига айланади”.

“FB Islamic Finance” молиявий ташкилотлар учун аниқ тузилма ва мослашувчан мантиққа эга маҳсулотларни ишга тушириш имконини берувчи технологик платформа сифатида яратилган. Платформа исломий молия тизими доирасида – битимларни бошқариш, скоринг, ҳужжат айланиши ва ҳисоботларни тузиш каби бозорнинг асосий вазифаларини ҳал этади ва ушбу тизимда даромад – фоизли ҳисоблар орқали эмас, балки ҳақиқий савдо операциялари орқали шаклланади.

Шуни таъкидлаш лозимки, мазкур платформа банклар, микромолиявий банклар (ММБ) ва нобанк кредит ташкилотлари (НКТ) учун мос келади, чунки уларнинг барчаси исломий молиявий хизматларни кўрсата олади. “FB Islamic Finance” ягона технологик тизим билан таъминлаш доирасида ҳар бир ташкилот тури учун алоҳида тизимларни яратмаган ҳолда, ушбу маҳсулотларни ишга тушириш имконини беради.

Фоиз ўрнига битим

Платформа асосида битим мантиғи ётади: ҳар бир операция актив билан таъминланган бўлиб, мижознинг аризасидан шартномани бажаришгача бўлган тўлиқ жараённи босиб ўтади.

“FB Islamic Finance” ҳужжатларни автомат равишда боғлайди, тўлов жадвалларини шакллантиради, тўловлар ва маблағлар ҳаракатини назорат қилади. Бундай ёндашув анъанавий кредит тизимларининг асосий узилишини – ҳисоб-китоблар ва реал иқтисодий фаолият ўртасидаги тафовутни бартараф этади.

Бошқарув ва кенгайтириш учун яратилган архитектура

Платформа микрохизматлар архитектураси асосида қурилган бўлиб, алоҳида хизматларни мустақил равишда кенгайтириш ёки янгилаш имконини беради. Бундай ёндашув анъанавий яхлит архитектурага нисбатан юқори даражадаги мослашувчанлик, кенгайиш имконияти ва носозликларга чидамлиликни таъминлайди.

Ташкилотда CRM, келишув модули, инвестиция воситалари ва таҳлилий ҳисоботларга нисбатан эҳтиёжи ошган сари уларни қўшиб бориш имконияти яратилади. Бу IT жамоаларига тушадиган юкни камайтиради ва маълумотлар назорати ҳамда сифатини йўқотмасдан янги маҳсулотларни тезроқ ишга туширишни таъминлайди.

“FB Islamic Finance” асосий жараёнларни битта муҳитда бирлаштиради:

●  Бошқарув ва созламалар: фойдаланувчилар, роллар, андозалар, скоринг, билдиришномалар ва тўхтатувчи омиллар;

●  CRM ва битимлар: мижозлар, ҳисоблар, касса операциялари, депозитлар, шартномалар келишуви;

●  Кредит конвейери: сўровномадан тўловлар жадвали ва таъминот ҳисобигача;

●  Инвестиция операциялари: ишончли бошқарув, фойдани ҳисоблаш ва тақсимлаш;

●  Ҳисобот: баланс ва операциявий ҳисоботлар, қарздорлик назорати ва битимлар мониторинги;

●  Инфратузилма ва қўллаб-қувватлаш: созлама мижоз томонида, маълумотларни ҳимоя қилиш, 24/7 режимида техник қўллаб-қувватлаш.

AAOIFI стандартлари — ишонч пойдевори

AAOIFI (Accounting and Auditing Organization for Islamic Financial Institutions) халқаро стандартларига мос платформаларнинг жорий этилиши соҳани профессионаллаштиришда муҳим қадам бўлди. Ушбу стандартлар нафақат шартномалар шаклини, балки операцияларни ҳисобга олиш, ҳисобот бериш ва текшириш тартибини ҳам белгилайди, бу эса турли ташкилотлар ва мамлакатлар ўртасидаги маълумотларнинг таққосланишини таъминлайди. “FB Islamic Finance” бу меъёрларга тўлиқ мувофиқ ҳолда Fido Biznes компанияси томонидан ишлаб чиқилган бўлиб, бу тизимни глобал талабларга мос қилади ва ташқи бозорларга интеграциялашувни осонлаштиради.

Ягона маълумот стандартлари ва янги ишонч модели

Платформа тизими битимларни қайта ишлашдаги тафовутларни бартараф этади ва барча иштирокчилар учун ягона маълумотлар форматини шакллантиради. Бу фақатгина автоматлаштириш эмас, балки жараёнлар шаффоф ва масъулияти аниқ тақсимланган бошқарилувчи рақамли муҳитга ўтиш ҳамдир. Бу муҳитда барча жараёнлар назорат остида бўлади.

Молиявий технологиялар бозори аста-секин экстенсив ўсишдан сифатли ўсишга ўтмоқда, бунда қиймат мижозлар сони билан эмас, балки жараёнларнинг барқарорлиги билан белгиланади. “FB Islamic Finance” ушбу ўзгаришни акс эттиради: технология маҳсулотнинг устқурмаси эмас, балки ишонч таркибий жиҳатдан — шаффофлик орқали шаклланадиган муҳитга айланмоқда.

Реклама ҳуқуқи асосида