O‘zbekistonda yirik qurilish ishlari hajmi keskin ko‘tarildi

2025 yilning yanvar-oktyabr oylarida respublikada yirik qurilish tashkilotlari tomonidan 61,6 trln so‘mlik qurilish ishlari bajarildi. Bu 2024 yilning mos davriga nisbatan 27,5 foizga yuqori.

Foto: Kun.uz

Milliy statistika qo‘mitasi ma’lumotlariga ko‘ra, yilning 10 oyi yakunlari bo‘yicha yirik qurilish tashkilotlari tomonidan bajarilgan ishlar hajmi barqaror o‘sish tendensiyasini namoyon etgan.

Yillar kesimidagi dinamika (yanvar—oktyabr):

2021 yil — 22,7 trln so‘m;
2022 yil — 28,2 trln so‘m;
2023 yil — 29,9 trln so‘m;
2024 yil — 45,5 trln so‘m;
2025 yil — 61,6 trln so‘m.

Shu tariqa, 2021–2025 yillar davomida yanvar—oktyabr oylarida yirik qurilish tashkilotlari tomonidan bajarilgan qurilish ishlari hajmi izchil oshgani kuzatilmoqda.