Asossiz qimmatlashuvning oldi olinadi: yirik supermarket tarmoqlari ogohlantirildi

Qo‘mita ma’lum qilishicha, “Korzinka”, “Makro”, “Havas”, “Baraka”, “Magnum”, “Assorti”, “B1” va “Magnit” kabi savdo tarmoqlariga yetkazib beruvchi korxonalar tomonidan narxlarni o‘zgartirish, logistika xarajatlari oshishi va narx ko‘tarilishiga olib kelishi mumkin bo‘lgan boshqa omillar to‘g‘risida qo‘mitani tezkor xabardor qilib borish talabi qo‘yilgan.

Shuningdek, chakana savdo tarmoqlari yetkazib beruvchilarni asossiz ravishda narxlarni oshirishga yo‘l qo‘ymaslik bo‘yicha ogohlantirib borishi, narx shakllanishida shubhali holatlar kuzatilganda ular yuzasidan tegishli choralar ko‘rilishi lozimligi ta’kidlangan.

Raqobat qo‘mitasi qayd etishicha, yangi yil arafasida aholi uchun muhim mahsulotlar bo‘yicha narxlar barqarorligi saqlanishi bozordagi sog‘lom raqobat va iste’molchilar manfaatlarini himoya qilishda muhim ahamiyat kasb etadi.