Toshkent-Dubay reyslari 4 martdan bosqichma-bosqich tiklanadi

2026 yil 4 martdan boshlab Toshkent – Dubay va Dubay – Toshkent yo‘nalishlari bo‘yicha UzAirways, Centrum Air hamda Qanot Sharq aviakompaniyalari reyslari bosqichma-bosqich tiklanishi ma’lum qilindi. Parvozlar belgilangan jadval asosida amalga oshiriladi.

Foto: Uzbekistan Airways

Birlashgan Arab Amirliklarida vaqtincha bo‘lib turgan O‘zbekiston Respublikasi fuqarolari uchun e’lon qilingan ma’lumotga ko‘ra, reyslar quyidagi jadval asosida yo‘lga qo‘yiladi:

UzAirways

HY333 Toshkent – Dubay — 2026 yil 4 mart, soat 08:30 (jadval asosida);
HY334 Dubay – Toshkent — 2026 yil 4 mart, soat 12:30 (jadval asosida).

Centrum Air

C6-351 Toshkent – Dubay — 2026 yil 4 mart, soat 05:30 (jadval asosida);
C6-352 Dubay – Toshkent — 2026 yil 4 mart, soat 10:25 (jadval asosida).

Qanot Sharq

HH901 Toshkent – Dubay (DWC) — 2026 yil 4 mart, soat 05:10 (jadval asosida);
HH902 Dubay (DWC) – Toshkent — 2026 yil 4 mart, soat 10:30 (jadval asosida).

Qo‘shimcha ma’lumotlar aviakompaniyalarning rasmiy manbalari orqali e’lon qilib borilishi ta’kidlandi.

Shuningdek, fuqarolarga parvoz vaqti va reys holatini oldindan aviakompaniyalar bilan aniqlashtirish, tasdiq olingandan so‘nggina Dubay xalqaro aeroportiga yetib borish tavsiya etildi.