Jurnalistlar uyushmasiga yangi rahbar tayinlandi

Shuhrat Oripov O‘zbekiston Jurnalistlar uyushmasi raisi vazifasini bajaruvchi etib tayinlandi.

Bu qaror Jurnalistlar uyushmasi boshqaruvining yig‘ilishida qabul qilindi.

U ayni vaqtda Biznesni rivojlantirish banki matbuot kotibi lavozimida ishlab kelmoqda.

Shuhrat Oripov mehnat faoliyatini 1999 yilda jurnalist sifatida boshlagan va bir qancha gazetalarda faoliyat yuritgan.

Keyinchalik davlat va jamoat tashkilotlarida, shuningdek, O‘zLiDep tizimida axborot siyosati va matbuot xizmati yo‘nalishlarida faoliyat olib borgan.